طفلة ترفع الضغط.......................

طفلـــــــــــه تـــرفع الضــــــــــــغط

التلفون يرن ...
الطفلة : الوووو

الامراة : الووو مرحبا
الطفلة : اهلين

الامراة : وين الوالدة ؟

الطفلة : ما في عندنا وحدة والدة

الامراة :لا لا عيب لا سمح الله الله يخليلكم اياها

الطفلة : وشو لا سمح الله ما لا سمح الله اقولك ما في عندنا والدة

الامراة : كم عمرك يا شاطرة؟؟

الطفلة : وكيف عرفتي اني شاطرة

الامراة : تضحك وتقول مبين عليك خفيفة دم

الطفلة : انتي الي خفيفة دم لا تقولي عني هيك

الامراة : مبين عليك صغيرة؟

الطفلة : انا اطول منك..

الامراة : طيب يلا اعطيني ماما.

الطفلة : ليش هي امك عندنا؟

الامراة : خلاص نادي امك.

الطفلة :أمي ما عندها نادي.

الامراة : الله يصبرني.

الطفلة : يصبرك مع شوك ولا بدون شوك؟

الامراة : تصرخ " اعطيني حدا كبير"

الطفلة : كبير , بالحجم ولا بالطول ولا بالعمر.

الامراة : اعطيني واحد برميل اتكلم معااه.

الطفلة : استغفر الله العظيم بدك تتكلمي مع برميل. بس البرميل جماد.

الامراة : هلأ باجي عندكم. اعطيني احد كبير.

الطفلة :لا تجي عندي لان صديقاتي عندي لما يروحو تعالي.

الامراة : طيب بس لو اشوفك لا أسوي منك بطاطا

الطفلة : بطاطا مسلوقة ولا مشوية بالفرن؟

الامراة : احسنلك اسكتي لانك زعلتيني.

الطفله : مين الي زعل الثاني اصلا

الامراة :خلاص زودتيها عاد.

الطفله : وين عاد الى بيته ؟ ولا عاد ولا (حلوه هذي)

الامراة :عاد الى بيته .

الطفلة : الصراحة مش متسلية معاكي.. في شي مزعلني.

الامراة : خليه يزعلك يمكن تنفجري مثل البلون.

الطفلة :شو لون البلون الي بنفجر مثله؟

الامراة : تصرخ باعلى صوتها.. " وين الوالــــــدة ؟؟؟ "..

فتاخذ الام التلفون من الطفلة .

وتقول الووووو. مين معي.

الامراة : ول علينا . شو هالبنت هاي اطلعت لي قرن براسي.

الام : قرن شو , قرن الغزال ولا قرن موز.

الامراة : زي دايما رايقة وبتحبي تمزحي . لا اطلعتلي قرن ثور .

الام : شو حجمه الثور؟

الامراة تغلق السماعة.وتذهب الى بيت صديقتها.. ترن الجرس.

فتقول الام للطفلة :قومي شوفي مين على الباب.

تركض الطفلة نحو الباب , تجلب كرسي وتصعد عليه ثم تنظر الى اعلى الباب وتقول ما في حدا على الباب في وحدة وراه..

فتقول الام : خلص خليها ترن على الجرس قد ما بدها.

الطفلة : اي جرس؟ جرس المدرسة؟ او جرس البيت

الام : لا جرس البيت

الطفلة : جرس بيتنا هذا ولا البيت الجديد الي بنبنيه

الام : لا جرس بيت الجيران.

وبعد ربع ساعة حصلوا المرأة واقعة عند منزل صديقتها بسبب ارتفاع حاد بضغط الدم والسكر وانفجار بالمرارة وتمزق بالمصران الأعور